Þeir sem ekki vita, þá les ég alveg óhemju mikið af fréttum á
netinu. Fréttir allstaðar að úr heiminum og af við skulum segja
mismunandi áhugasömu og mis fróðlegu efni. Sem þýðir að ég les allt
og þar á meðal slúður. Og þá sérstaklega upp á síðkastið þar sem ég
vafra um á netinu að sækja um vinnur og svo tek pásu í
fréttalestri. Málið er bara þegar maður les svona mikið af slúðri
þá fer maður eiginlega þekkja fólkið sem það er um, þótt maður hafi
aldrei einusinni séð það.
Þannig hef ég t.d orðið besta vinkona Önnu Nicole Smith frá því
að sonur hennar Danniel dó inn á herberginu hennar, eftir að hún
átti dóttirina Dannielynn (skírð eftir að sonur dó).
Ég veit allt um þetta mál og hef meira segja mínar kenningar um
þetta sem eru náttúrlega bara byggðar á því mis áræðinlega efni sem
ég hef lesið. Málið er nefnilega að ég held að Howard Stern
"kærasti/lögfræðingur" Önnu, hafi gefið syni hennar þessar pillur
sem samanvið aðrar pillur sem drengur hafi verið að taka og það
leitt hann til dauða.
En nú er þessi vinkona mín dáin og ég farin að syrgja (sit hérna
í al svörtum klæðnaði og með kerti á borðinu)
Og eftir dauða vinkonu minnar og alla þá frétta lesningu sem ég
hef farið í gegnum í dag, þá ekki bara stend ég við fyrri kenningu
mína, heldur, held ég að Howard Stern hafi bara spilað sama leik og
sett einhverjar pillur í pokan hennar Nicole, sem með öllum hinum
pillu/koktel blöndonum, hafi leitt hana til dauða.
En svo er náttúrulega hver er pabbi Dannielynn... þarf aðeins að
ransaka það betur þar sem þeim mönnum sem telja sig vera faðirinn
virðist fjölga með hverjum deginum. Enda kannski ekki skrítið þar
sem daman gæti erft um 475 milljón dollara eða svo.
En kannski maður snúi aftur til raunheima og fari að lifa eigin
lífi...... er nefnilega að baka skinkuhorn og ég held að deigið
hafi loksins hefað sig.
Kveðja frá London
Gunnhildur